Naxçıvan MR daxili işlər naziri general-mayor Süleyman Neymətov Babək rayonunda növbəti vətəndaş qəbulu keçirib

31.01.2025

Naxçıvan MR daxili işlər naziri general-mayor Süleyman Neymətov yanvar ayının 31-də Babək Rayon Polis İdarəsində növbəti vətəndaş qəbulu keçirib.

Nazir əvvəlcə Babək rayonundakı ümummilli lider Heydər Əliyevin abidəsini ziyarət edərək əziz xatirəsini böyük hörmət və ehtiramla yad edib.

Sonra Babək Rayon Polis İdarəsinin inzibati binasında qəbula gələn vətəndaşların müraciətini dinləyən nazir onların problemlərinin həlli üçün Nazirliyin aidiyyəti xidmət rəislərinə tapşırıqlar verib. Müraciətlərin əksəriyyətinin yerində həlli ilə bağlı tədbirlər görülüb.

Daxili işlər naziri general-mayor S.Neymətov rayon polis rəisinə ictimai asayişin qorunmasında, cinayətkarlığa qarşı mübarizədə daha səmərəli tədbirlərin tətbiqi, vətəndaşların müraciətlərinə operativ və obyektiv baxılmasına dair tapşırıqlarını verib.