Görmə çətinliyi olanlar üçün:
Nazirliyə Naxçıvan Muxtar Respublikasının daxili işlər naziri rəhbərlik edir. Naxçıvan Muxtar Respublikasının daxili işlər naziri Naxçıvan Muxtar Respublikası Ali Məclisinin sədri tərəfindən vəzifəyə təyin edilir və vəzifədən azad olunur.
Naxçıvan Muxtar Respublikasının daxili işlər naziri Nazirliyin işini təşkil edir və daxili işlər orqanlarının fəaliyyətinə rəhbərlik edir. Naxçıvan Muxtar Respublikasının Daxili İşlər Nazirliyində Nazirliyin rəhbər işçilərindən ibarət məşvərətçi orqan - Kollegiya fəaliyyət göstərir.
Kollegiyanın sədri tutduğu vəzifəyə görə daxili işlər naziri, üzvləri isə tutduqları vəzifəyə görə nazirliyin digər rəhbər vəzifələri üzrə müəyyən olunur. Kollegiyanın tərkibini Naxçıvan Muxtar Respublikası Ali Məclisinin sədri təsdiq edir .
Neymətov Süleyman Əsgər oğlu 1972-ci ildə Naxçıvan Muxtar Respublikasının Babək rayonunun Nehrəm kəndində anadan olmuşdur.
1991-1993-cü illərdə Silahlı Qüvvələrin sıralarında müddətli həqiqi hərbi xidmət keçmişdir. 2000-ci ildə DİN-in Polis Akademiyasını bitirmişdir.
1993-cü ildən daxili işlər orqanlarında xidmət edir.
1993-1994-cü illərdə Naxçıvan şəhər polis şöbəsinin polis nəfəri, 1994-2005-ci ilərdə Azərbaycan Respublikası Daxili İşlər Nazirliyinin Komendant Xidmətinin polis nəfəri, bölmə komandiri, taqım komandiri, bölük komandirinin müavini, baş inspektor, 2005-2013-cü illərdə Nəsimi rayon polis idarəsinin bölük komandiri, rəis müavini, 2013-2016-cı illərdə Sumqayıt şəhər polis idarəsinin rəis müavini, 2016-2020-ci illərdə Quba rayon polis şöbəsinin rəisi, 2020-2022-ci illərdə Suraxanı rayon polis idarəsinin rəisi vəzifələrində xidmət etmişdir.
Naxçıvan Muxtar Respublikası Ali Məclisi Sədrinin 2022-ci il 28 dekabr tarixli Sərəncamı ilə Naxçıvan Muxtar Respublikasının daxili işlər naziri vəzifəsinə təyin olunmuşdur.
Azərbaycan Respublikası Prezidentinin 2023-cü il 25 iyun tarixli 3945 nömrəli Sərəncamı ilə polis general-mayoru ali xüsusi rütbəsi verilmişdir.
Cinayətkarlığa qarşı mübarizə, ictimai təhlükəsizliyin təmin edilməsi və asayişin qorunması üzrə qarşıya qoyulmuş tapşırıqları yerinə yetirərkən fərqləndiyinə görə Azərbaycan Respublikası Prezidentinin Sərəncamları ilə 2002-ci ildə “İgidliyə görə”, 2020-ci ildə “Vətən uğrunda” medalları ilə təltif edilmişdir.
Ailəlidir, üç övladı var.
Gözəlov Zahid Əjdər oğlu 1969-cu ildə Naxçıvan Muxtar Respublikasının Naxçıvan şəhərində anadan olmuşdur.
1987-1989-cü illərdə Silahlı Qüvvələrin sıralarında müddətli həqiqi hərbi xidmət keçmişdir. 1993-cü ildə Naxçıvan Kənd Təsərrüfatı Texnikumunu, 2004-cü ildə DİN-in Polis Akademiyasını bitirmişdir.
1998-ci ildən daxili işlər orqanlarında xidmət edir.
Naxçıvan Muxtar Respublikası Daxili İşlər Nazirliyinin Mühafizə Şöbəsinin polis nəfəri, Naxçıvan Şəhər Polis İdarəsinin cinayət axtarışı bölməsinin əməliyyat müvəkkili, cinayət axtarışı bölməsinin rəisi, Naxçıvan Şəhər Polis İdarəsinin rəis müavini, Culfa Rayon Polis Şöbəsi Əlincə Polis Bölməsinin məsul növbətçisi, Naxçıvan Muxtar Respublikası Daxili İşlər Nazirliyinin İnsan Alverinə Qarşı Mübarizə şöbəsinin baş əməliyyat müvəkkili və xüsusilə mühüm işlər üzrə baş əməliyyat müvəkkili, Naxçıvan Muxtar Respublikası Daxili İşlər Nazirliyinin Mütəşəkkil Cinayətkarlıqla Mübarizə Şöbəsinin rəisi, Naxçıvan Şəhər Polis İdarəsinin rəisi vəzifələrində xidmət etmişdir.
Naxçıvan Muxtar Respublikası Ali Məclisi Sədrinin 2022-ci il 7 fevral tarixli Sərəncamı ilə Naxçıvan Muxtar Respublikasının daxili işlər nazirinin müavini vəzifəsinə təyin olunmuşdur.
Cinayətkarlığa qarşı mübarizədə, ictimai təhlükəsizliyin təmin edilməsində və asayişin qorunmasında qarşıya qoyulmuş tapşırıqları yerinə yetirərkən fərqləndiyinə görə müxtəlif mükafatlara layiq görülmüşdür. Azərbaycan Respublikası Prezidentinin 2007-ci il 29 iyun tarixli 2280 nömrəli Sərəncamı ilə “Vətən Uğrunda” medalı ilə təltif olunmuşdur.
Ailəlidir, üç övladı var.
